کیا پلاسٹک کی ٹینکی میں ناپاک پانی نکال دینے یا پانی بہا دینے سے وہ پاک ہو جاتی ہے؟

کیا پلاسٹک کی ٹینکی میں ناپاک پانی نکال دینے یا پانی بہا دینے سے وہ پاک ہو جاتی ہے؟

سیمنٹ کی ٹینکی کیونکہ پانی جذب کرنے کی وجہ سے کنویں کے حکم میں رہے گی جبکہ پلاسٹک کی ٹینکی میں یہ صلاحیت نہیں ہوتی۔ اس لیے اسے پانی بہا کر دھویا جاسکتا ہے۔ اس ٹینکی کو برتن کے حکم میں کردیا جائے گا کہ جیسے برتنوں کو دھوئے بغیر پاک نہیں کیاجاسکتا ایسے ہی اس ٹینکی کو بھی دھوئے بغیر پاک نہیں کیا جاسکے گا۔ یا جیسے علامہ شامی نے فرمایا کہ اگر ایسا پتھر ہے جو پانی کو جذب نہیں کرتا تو اس پر پانی بہانا ضروری ہے۔ تو اس لحاظ سے یہ اس پتھر کے حکم میں بھی ہے۔اس میں یہ آسانی بھی ہوتی ہے کہ اسے اپنی جگہ سے اٹھایا اور اکھیڑا بھی جاسکتا ہے۔ لیکن اگر اسے اکھیڑنا اور اٹھانا مشکل بھی ہو کہ اسے جوڑدیا گیا ہوتو بھی کسی برتن کے ذریعہ سے اس کی دیواروں پر پانی بہایا جائے گا اور اس پانی کو نیچے سے نکال دیا جائے گا۔

1. ابو الاخلاص حسن بن عمار الحنفی المصری الشرنبلالی، تاریخ پیدائش: 994ھ، آپ جامعہ الازہرمیں مدرس رہے جہاں سے خلق کثیر فیضیاب ہوئی۔ المحبی کہتے ہیں: "اگر نہیں امام محمد دیکھتے تو ان کی بڑے احسن انداز میں تعریف کرتے اور امام ابویوسف دیکھتے تو ان پر انحصار کرتے اور کسی پر افسوس کرتے"۔ آپ نے ملا خسرو کی کتاب الدرر پر حاشیہ، منظومہ ابن وھبان کی شرح، نورالایضاح، تحفۃ الاکمل اور التحقیقات القدسیہ تحریر کی ہیں۔ نورالایضاح کی شرح بھی خود ہی کی جس کا نام مراقی الفلاح رکھا۔ تاریخ وفات: 1069ھ۔ نورالایضاح، کتاب الطھارۃ، احکام الآبار و تطہیرھا، ص:15