نجاست لگ جانے کی صورت میں پھلوں اور سبزیوں کو کیسے پاک کیا جائے؟

نجاست لگ جانے کی صورت میں پھلوں اور سبزیوں کو کیسے پاک کیا جائے؟

ہمارے ہاں کئی مقامات پر سبزیوں اور پھلوں کےلئے سیوریج کا پانی استعمال کیا جاتا ہے۔ اور ان سبزیوں میں اکثر بِیل والی ہوتی ہیں جو کہ زمین کے اوپر ہوتی ہیں اور بعض پھلوں کی بھی بیلیں ہوتی جیسے انگور وغیرہ۔ جب یہ زمین پر ہوتی ہیں تو وہ ناپاک پانی ان کے اوپربھی پھرتا ہے اور وہ نجاست ان کے پھلوں کو بھی لگتی ہے۔ تو جب بیل پر ہی ان کو نجاست لگے تو ان کی پاکی ان کا خشک ہوجانا ہی ہے۔ امام بدرالدین عینی درخت کے متعلق فرماتے ہیں:
مادام قائما علی الارض یطہر بالجفاف و بعد القطع لا یطہر الا بالغسل۔(1)
ترجمہ: (کوئی درخت، پودا یا بیل)جب تک زمین پر کھڑا رہے اس وقت تک یہ خشک ہوجانے سے ہی پاک ہوجائے گا مگر کٹ جانے کے بعددھونے کے علاوہ پاک نہ ہوگا۔
لہٰذا درختوں کے حکم میں ہر طرح کی زمین سے اُگی ہوئی بیل، جڑی بوٹی، پودا اور درخت شامل ہوں گے۔اور جب پھلوں کو توڑنے کے بعد ناپاکی لگے تو اگر وہ ناپاکی ان کے اندر داخل نہ ہوئی ہو تو اسے دھو کر ہی پاک کر لیا جائےگا۔ لیکن پھلوں کو ہر حالت میں دھولینا ہی بہترہے۔
حوالہ جات:
1 ۔ العینی ، البنایہ، کتاب الطھارۃ ، باب الانجاس ، ج : 1 ، ص : 720