دو سجدوں کے درمیان کیا پڑھنا چاہیے؟

عَنْ حُذَیْفَۃَ اَنَّ النَّبِیَّﷺ کَانَ یَقُوْلُ بَیْنَ السَّجْدَتَیْنِ رَبِّ اغْفِرْلِی۔
حضرت حذیفہ رضی اللہ عنہ فرماتے ہیں کہ حضور نبی کریمﷺ دو سجدوں کے درمیان"رَبِّ اغْفِرْلِی"(اے میرے رب مجھے معاف کر دے)
پڑھا کرتے تھے۔
عَنْ ابْنِ عَبَّاسٍ اَنَّ النَّبِیَّﷺ کَانَ یَقُوْلُ بَیْنَ السَّجْدَتَیْنِ اَلّٰلھُمَّ اغْفِرْلِی وَارْحَمْنِی وَاجْبُرْنِی وَاھْدِنِی وَارْزُقْنِی۔ (1)
حضرت عبداللہ بن عباس رضی اللہ عنہ فرماتے ہیں کہ حضور نبی کریمﷺ دونوں سجدوں کے درمیان پڑھتے تھے: اَلّٰلھُمَّ اغْفِرْلِی وَارْحَمْنِی وَاجْبُرْنِی وَاھْدِنِی وَارْزُقْنِی (اے اللہ مجھے معاف کردے، مجھ پر رحم فرما، میرے نقصان کی تلافی کردے ، مجھے ہدایت عطا فرما اور مجھے رزق عطا فرما)۔‘‘