کیا کرائے کی جگہ پر تعمیر کی گئی مسجد شرعی مسجد کے حکم میں نہیں ہوتی؟

اگر کوئی شخص کرائے پر زمین لیتا ہے اور اس میں مسجد بنادے تو یہ مستقل مسجد نہیں قرار پائے گی بلکہ عارضی مسجد ہوگی جسے مصلیٰ بھی کہاجاسکتا ہے۔ یعنی وہ صرف نماز کی جگہ ہے مسجدِ شرعی نہیں کہ جس پر شرعی احکام جاری ہوں۔ کیونکہ مسجد کےلیے پہلی شرط یہ ہے کہ اس جگہ کو مسجد کےلیے وقف کردیا جائے۔ اور جس نے کرائے پر زمین لی ہے وہ اسے وقف کرنے کا اہل ہی نہیں ہے کیونکہ وقف کرنے کی اہلیت تو مالک کے پاس ہوتی ہے۔ لہٰذا جب وقف ہی نہ ہوگا تو مسجد قرار نہیں پائے گی۔