کیا نماز کے آخر میں سلام پھیرنا ضروری ہے؟

عَنْ اَبِی الْاَحْوَصِ عَنْ عَبْدِاللّٰہِ عَنِ النَّبِیِّﷺ اَنَّہٗ کَانَ یُسَلِّمُ عَنْ یَمِیْنِہٖ وَ عَنْ یَسَارِہٖ اَلسَّلَامُ عَلَیْکُمْ وَ رَحْمَۃُ اللّٰہِ اَلسَّلَامُ عَلَیْکُمْ وَ رَحْمَۃُ اللّٰہِ ۔ (1)
حضرت ابو احوص رضی اللہ عنہ فرماتے ہیں کہ حضور نبی کریمﷺ نماز کے اختتام پر دائیں جانب سلام پھیرتے تو کہتے: ’’ اَلسَّلَامُ عَلَیْکُمْ وَ رَحْمَۃُ اللّٰہِ‘‘ اور بائیں جانب سلام پھیرتے تو کہتے: ’’ اَلسَّلَامُ عَلَیْکُمْ وَ رَحْمَۃُ اللّٰہِ۔‘‘
سنن نسائی کی روایت میں ان الفاظ کا اضافہ ہے:
’’کَأَنِّی اَنْظُرُ اِلٰی بَیَاضِ خَدِّہٖ‘‘
گویا کہ میں (ابھی بھی) آپﷺ کے رخسار مبارک کی سفیدی کو دیکھ رہا ہوں۔ یعنی حضور نبی کریمﷺ سلام کرتے وقت چہرہ انور کو مکمل طور پر پھیر لیا کرتے تھے۔