رکوع اور سجدہ میں کون سی تسبیحات پڑھی جاتی ہیں؟

عَنْ ابْنِ مَسْعُوْد ٍاَنَّ النَّبِیَّﷺ قَالَ اِذَا رَکَعَ اَحَدُکُمْ فَقَالَ فِی رُکُوْعِہٖ سُبْحَانَ رَبِّیَ الْعَظِیْمِ ثَلَاثَ مَرَّاتٍ فَقَدْ تَمَّ رُکُوْعُہٗ وَ ذٰلِکَ اَدْنَاہٗ وَ اِذَا سَجَدَ فَقَالَ فِی سُجُوْدِہٖ سُبْحَانَ رَبِّیَ الْاَعْلیٰ ثَلَاثَ مَرَّاتٍ فَقَدْ تَمَّ سُجُوْدُہٗ وَ ذٰلِکَ اَدْنَاہٗ۔ (1)
حضرت عبداللہ بن مسعود رضی اللہ عنہ سے روایت ہے کہ حضور نبی کریمﷺ نے فرمایا: جب تم میں سے کوئی ایک رکوع کرے تو وہ رکوع میں تین مرتبہ ’’ سُبْحَانَ رَبِّیَ الْعَظِیْمِ ‘‘ کہے اور یہ سب سے کم تعداد ہے، اور جب سجدہ کرے تو سجدہ میں تین مرتبہ ’’ سُبْحَانَ رَبِّیَ الْاَعْلی ‘‘ کہے اور یہ سب سے کم تعداد ہے۔
عَنْ حُذَیْفَۃَ قَالَ کَانَ رَسُوْلُ اللّٰہِﷺ یَقُوْلُ فِی رُکُوْعِہٖ سُبْحَانَ رَبِّیَ الْعَظِیْمِ ثَلَاثًا وَ فِی سُجُوْدِہٖ سُبْحَانَ رَبِّیَ الْاَعْلیٰ ثَلَاثًا۔ (2)
حضرت حذیفہ رضی اللہ عنہ فرماتے ہیں کہ رسول اللہﷺ اپنی (نماز کے) رکوع میں تین بارکہتے سُبْحَانَ رَبِّیَ الْعَظِیْمِ اور سجدہ میں تین بار سُبْحَانَ رَبِّیَ الْاَعْلی ٰ فرماتے۔