کیا غالب رائے (قوی گمان) کو یقین کے قائم مقام سمجھا جائے گا؟ غالب الرایٔ بمنزلۃ الیقین۔

غالب الرایٔ بمنزلۃ الیقین۔ (1)
ترجمہ: کہ غالب رائے(بندے کا اپنا ظن) یقین کے قائم مقام ہے۔
صرف احکام وحی ہی ظن اور شک سے محفوظ ہیں۔ انسانی زندگی میں وہم اور ظن کثرت سے دخول کرتا ہے لیکن کسی بھی کام کو پایہ تکمیل تک پہنچانا ہر طور لازم ہوتا ہے۔ جب تک ظن اور وہم سے چھٹکارا حاصل نہیں ہوجاتا اس وقت تک ابتداء بھی ناممکن و محال ہے۔ اس لیے غلبۂ ظن پر اعتماد کرتے ہوئے ظن کلیہ سے خارج ہوا جاتا ہے۔ اور یہ بات بھی مسلم ہے کہ انسان کی کوئی بھی بات یافعل ظن سے خالی نہیں جسے یقین کامل کا نصیب ہونا ہی غیر یقینی ہے تو اس کےلیے غلبہ ظن ہی معتبر ہے۔علامہ عینی نے فرمایا:
ان غلبۃ الظن دلیل الشرعی۔ (2)
ترجمہ: بے شک غلبہ ظن دلیل شرعی ہے۔
یعنی شرعی احکام و مسائل کا انحصار اس پر کیا جائے گا۔