کیا نیت کے بغیر کسی عمل پر ثواب حاصل ہوگا؟ لاثواب الا بالنیۃ۔

لاثواب الا بالنیۃ۔ (1)
ترجمہ: ثواب (ثواب کی) نیت کے ساتھ(مخصوص) ہے (یعنی یہ نیت ہوگی تو ثواب ملے گا ورنہ نہیں)۔
اس قاعدہ کی بنیاد یہ حدیث پاک ہے:
انما الاعمال بالنیات۔(2)
ترجمہ: اعمال کا دارومدار نیت پر ہے۔
فقہاء نے اس حدیث کو اجر پر محمول کیا ہے۔ جس سے قاعدہ اخذ کیا کہ نیک کام نیکی کی نیت کے بغیر باعث اجر نہیں ہے۔ اصل تو یہ حدیث ہی ہے اس سے قاعدہ اخذ کرنا اس لیے ہے کہ اخروی اجر کے ساتھ دنیاوی امور، جو دین سے تعلق رکھتے ہیں، ان کو اس حدیث کے ذیل میں پرکھا جاسکا۔